Rete Bibliotecaria della Provincia di Como

Abstract: Në këtë roman tërheqës, me një stil krejt të veçantë, ndërthuren mjaft tema interesante, si: spiunazhi industrial, ethet e zbulimit shkencor, fëmijët dhe pasionet e tyre, natyra magjepsëse shqiptare etj. Është i ndërtuar në dy histori paralele që, në kohë, nuk përkojnë me njëra- tjetrën. Njëra nga historitë është fare e thjeshtë, ndërsa tjetra është disi e jashtëzakonshme. Ajo lind nga një ëndërr, vazhdon në zhgjëndërr dhe duke kaluar nga një gojë te tjetra, flet për një vit të së ardhmes.

Abstract: “Jona dhe deti” përshkruan befasitë e ndodhitë e ditës së parë të vogëlushes buzë detit, në një lojë reale e imagjinare ku shkrihet koha dhe hapësira. Jona, në udhëtimin imagjinar të saj mes për mes detit, takon personazhet fantastikë të përrallave tona popullore, si dhe figurat më të njohura të letërsisë botërore për fëmijë. Kjo situatë, ëndrra dhe zgjimi, dritat dhe ngjyrat e detit në perëndim, bota e gjithë, e parë me sytë e fëmijës, i japin kësaj poeme një frymëmarrje të re, një tjetër hapësirë, që nxit përfytyrimin dhe edukimin e fëmijëve me të mirën dhe të bukurën…